17
أبريل
براءة ؟
وضع في [ كوكتيل ] من طرف خربشات ،،
السلام عليكم ورحمة الله ، شخباركم 
؟
ذكريات هذي الرسمة 
رسمتها وأنا بصف أولى مدري ثاني إبتدائي وأعطيتها لبنت خالتي
<- اللي يسمعني يقول انها في ديرة ثانية .. أبد كل يوم عندهم 
وإحـــتفظت بهالرسمة لين كبرت وتو تعطيني ياه من سنتين
حسيت بشعور ” ودي أذبحني ” ! 
مره بزر مدري وش كنت احس فيه ههههـ 
دايم أتذكر مواقفي الغبية يومني بزر مدري وش كنت أحس به !
يعني مثلا كنت أكتب رسائل لأختي <- من زود المحبة 
وأكتب [ إلى أختي في الله .. ] 
< مدري وش هالغباء بس كنت اقراه في المطويات واحسه شيء كذا وأنا مدري وش معناه !
كثيرة الحكايات والمواقف والسوالف اللي تصير لنا وإحنا بزران ..
هذه التدوينة لكم .. أبي كل رد فيه موقف يونسنا شوي :D 
وسلامتكم < أقصر تدوينة 
